Chi tristi annata Signuri

stu 2020 chinu di duluri
guvirnata d'un tintu mali
pi l'umanu assai murtali
e pi evitare assai cuntaggi
u guvernu usa puru a liggi
e i putii i bar e i rristoranti
licenziaru tutti i dipinnienti
e ora senza travagghiari
nun ponnu cchiu' manciari
n'arrubbaru onuri e ddignita'
privannuni puru da libberta'
tutti i panzi ora su vacanti
tranni chiddi di guvirnnanti
ca cu stipendiu ri 'na misata
l'operaiu cci campa n'annata
e penzu ca cci vo' curaggiu
pi mannari stu missaggiu
"faciti tutti un attu d'amuri
e aiutati cu vivi stu duluri"
m'agghiaccia u sangu ne vini
ascutannu st'intelletti fini
ma si nun putemu manciari
chi attu d'amuri s'havi a fari ?
ma puoi 'na vuci mi sussurra
chisti vuonnu fami e guerra
pu populu nun hannu amuri
nni vuonnu tutti diuni e nnuri.

Franco Catalano