1 NOVEMBRE
Di certu na' to casa
oggi e' festa ranni
e tu si 'nchiffaratu
assai Patri Granni
a priparari 'na
rricca tavulata
pi tutta a famigghia
ri tia assai amata
rricca di paci amuri
e fratellanza
e sazziari cori e menti
cu la to prisenza.
Simina Patri Granni
'nzemi a li to santi
stu nettari Ddivinu
no cuori ri tutti quanti
pi viviri sta vita cu
fidi spiranza e carita'
facennu sempri la to
Santa vulunta'
pi viviri no munnu
comu figghi ubbidienti
e bbiati puoi 'ncelu
'nzemi a tutti i Santi.
Franco Catalano
