Notizie

Lu munnu
e' siempri u stissu
nun e' canciatu
li nanni siempri
cc'hannu statu

nna vuota li figghi
e li cammuci
ascutavinu li cunsigghi
senza fari vuci

li nanni cuntavinu storii
viecchi ri tant'anni
e tutti jerinu cuntienti
nichi e granni

Uora na st'ebbica muderna
li cuosi su canciati
e li reguli ri vita
trascurati.

Uora nun siebbi cchiu'
ne lu sapiri
ne la loru esperienza
uora siebbi sulu
a loru prisienza.

Vai a puosta
passa ra bbanca
rammi 'na manu
ca sugnu stanca

sugnu mmitatu
nun puozzu mancari
Sta sira a to casa
si viennu a cuccari

dumani matina
puortili a scuola
falla 'na cuosa
a ca u tiempu ti vuola.

Sti poviri nanni
su siempri 'nchiffarati
notti e ggh'jornu
turmintati.

Pero' cu tutta la vicchiaia
l'acciacchi e li malanni
quannu abbrazzi a to carni
lu cuori bbatti comu a vint'anni.

La ggioia ca si prova
sulu un nannu
va po' cuntari
e jo' auguru a tutti
ri putilla pruvari.

Nell'auditorium dell'Annunziata